سونداي جوبالاردىڭ ءبىرى «اقتوبە» يندۋستريالدىق ايماعىندا ورنالاسقان, جاراقات الۋدىڭ الدىن الاتىن بالالارعا ارنالعان, سپورتتىق جəنە وزگە دە جابىندىلار شىعاراتىن «TALAN Technology» جشس بولدى. كəسىپورىننىڭ وندىرىستىك قۋاتى - جىلىنا 45 مىڭ شارشى مەتر تاقتايشالاردى قۇرايدى. سىناق جۇزىندە ىسكە قوسۋ اياسىندا قاڭتار-مامىر ايلارى ارالىعىندا قۇنى 1 ملرد تەڭگەدەي بولاتىن 588 توننا رەزەڭكە ۇگىندىلەرى ءوندىرىلىپ, 35 ادام جۇمىسقا ورنالاستىرىلدى.
وبلىس اكىمى «TALAN Technology» جشس باسشىلىعىنا ءىرى جوبانى جۇزەگە اسىرعانى ءۇشىن العىس ايتتى.
- مەملەكەت باسشىسىنىڭ تاپسىرماسىن ورىنداۋ اياسىندا وڭىرىمىزدە كىشى جانە ورتا بيزنەس بەلسەندى دامۋدا. الدىمىزدا تۇرعان نەگىزگى تاپسىرما – وتكەن جىلى 6 ينۆەستيتسيالىق جوبانى جۇزەگە اسىرۋدى باستاعان «اقتوبە» يندۋستريالدىق ايماعىن يگەرۋ. ەلوردا كۇنى قارساڭىندا العاشقى كاسىپورىندى ىسكە قوسۋىمىز قۋانتادى. «TALAN Technology» ونىمدەرى وبلىس ورتالىعىنىڭ سپورت الاڭدارىندا قولدانىلۋدا, سوندىقتان وعان دەگەن قاجەتتىلىك تەك ارتادى دەپ ايلايمىن. ءبىز ءوز تاراپىمىزدان كومپانيانى ءارى قاراي قولدايتىن بولامىز,-دەپ اتاپ ءوتتى بەردىبەك ساپارباەۆ.
سونداي-اق, يندۋستريالىق ايماقتا əينەك جۋاتىن سۇيىقتىق, انتيفريز جəنە پلاستيك ونىمدەرىن شىعاراتىن «اكتوبەTOPSA پلاست" جشس زاۋىتى پايدالانۋعا بەرىلدى. وندىرىستىك قۋاتى - جىلىنا 2 مىڭ توننا. كەلەشەكتە مۇندا حيميالىق رەاگەنتتەر, تسەمەنت ەرىتىندىسى مەن بەتوندار ءۇشىن ايازعا قارسى قوسپا جانە پلاستيك كانيستر ءوندىرىسىن يگەرۋ جوسپارلانۋدا. ىسكە قوسىلىپ تۇرعان "كاسپي پليۋس" جشس كəسىپورنىندا مەتالل وڭدەۋ جەلىسى كەڭەيتىلدى. قازاقستان اۋماعىندا تەڭدەسى جوق بىرەگەي كəسىپورىن مەملەكەت باسشىسىنىڭ يمپورتتى الماستىرۋ بويىنشا تاپمىرماسىن جۇزەگە اسىرۋ اياسىندا تاۋ-كەن جəنە كەن يگەرۋ ونەركəسىبى ءۇشىن بەكىتۋ ونىمدەرىنىنىڭ بىرنەشە ءتۇرىن شىعارۋمەن اينالىسادى. زاۋىتتا الدىڭعى قاتارلى يننوۆاتسيالىق تەحنولوگيا پايدالانىلادى. بارلىق ءونىم جەرگىلىكتى مازمۇنداعى جوعارى ۇلەسى بار ست-KZ سəيكەستەندىرۋ سەرتيفيكاتىنا يە.
سونىمەن قاتار, استانا كۇنى مارتوك اۋدانىنىڭ قازان اۋىلىنا گاز بەرىلدى. ەلدى مەكەندى گازداندىرۋ ءۇشىن 134 ملن تەڭگە ءبولىندى. 520-دان استام ادام تۇراتىن 135 ءۇي مەن ورتا مەكتەپ كوگىلدىر وتىنمەن قامتىلعان بولسا, سول اۋداننىڭ اققۇدىق اۋىلدىق وكرۋگىنە قاراستى دوستىق اۋىلىندا 40 ورىندىق «اسلان ءالي» بالاباقشاسى ءوز ەسىگىن ايقارا اشتى. ونىڭ ەرەكشەلىگى – بالالار ءۇش تۇعىرلى ءتىل قاعيداسى بويىنشا وقىتىلاتىن بولادى, ال مەكتەپكە دەيىنگى مەكەمەلەرگە بالالار تەگىن بارادى.
قۇنى 170 ملن تەڭگەنى قۇرايتىن جاڭا جوبا ءالجان ديىرمەن كومبيناتىندا ونىمدىلىگى ساعاتىنا 200 كەلى بولاتىن جايما جانە كەسپە ۇلتتىق تاعامدارىن شىعاراتىن «Italpast» يتاليان ءوندىرۋشىسىنىڭ كەشەندى جەلىسى پايدالانۋعا بەرىلدى.
تەمىر قۇسايىن,
"ەگەمەن قازاقستان"
اقتوبە وبلىسى